Avropa Liqası: “Qarabağ” səfərdə "Linfild"ə məğlub olub

Belfastdakı “Vindzor Park” stadionunda baş tutan qarşılaşma Ağdam təmsilçisinin 2:3 hesablı məğlubiyyəti ilə yekunlaşıb.

Görüşdə ilk qolu “Qarabağ” vurub. Faysal Rerras 15-ci dəqiqədə fərqlənib. Meydan sahibləri 40-cı dəqiqədə Mark Staffordun qolu ilə tarazlığı bərpa edib. 45+1-ci dəqiqədə isə Şeyn Leyveri “Linfild”i hesabda önə keçirib. 21 yaşlı hücumçu 75-ci dəqiqədə fərqi iki topa çatdırıb. 90+2-ci dəqiqədə “Qarabağ”ın hücumçusu Maqaye Qeye penaltidən fərqlənməklə fərqi azaldıb.

Qeyd edək ki, komandalar arasında cavab görüşü avqustun 29-da Tofiq Bəhramov adına Respublika stadionunda olacaq.