“Neftçi” bu gün cavab oyunu keçirəcək

Bu gün UEFA Çempionlar Liqasının II təsnifat mərhələsinin cavab oyunları keçiriləcək.

Turnirdə yeganə təmsilçimiz olan “Neftçi” klubu bu axşam cavab oyununa çıxacaq.

İlk oyunda Bakıda 0:0 bərabərə qalan “Neftçi” klubu Albaniyada “Skenderbeu”nun qonağı olacaq. Son Azərbaycan çempionununu bu görüşdə istənilən qollu heç-heçə və ya minimal hesablı qələbə qane edəcək.

Qeyd edək ki, “Neftçi” “Skenderbeu” səddini keçəcəyi təqdirdə III təsnifat mərhələsində BATE (Belarus) – “Şaxtyor” (Qazaxıstan) cütünün qalibi ilə qarşılaşacaq. Xatırladaq ki, “Şaxtyor” ilk oyunda səfərdə gözlənilmədən BATE-ni 1:0 hesabı ilə məğlub edib.


23 iyul
Çempionlar Liqası, II təsnifat mərhələsinin cavab oyunu
23:00. “Skenderbeu” (Albaniya) – “Neftçi” (Azərbaycan) (İlk oyun – 0:0)



live.az