"Park Bulvar"da yerləşən Park Cinema kinoteatrnda Disney istehsalı olan “Soyuq ürək 2” cizgi filminin xüsusi nümayişi baş tutub.
LİVE.az xəbər verir ki, kinoteatr hər dəfə olduğu kimi qonaqlar üçün möhtəşəm ab-hava yaratmışdı.
Təqdimata media nümayəndələri, bloggerlər və sair publik şəxslərdən başqa, “Ümid Yeri Uşaq Evi”nin balaca sakinləri də dəvət olunmuşdu.
Qonaqlar üçün furşet, balacalar üçün təşkil edilmiş şounun onların üzündə təbəssüm yaratdı. Təqdimat öncəsi Park Cinemada uşaqlar üçün nəzərdə tutulmuş “Kids Hall”un açılışı olub.
Cizgi filminin əsas personajları Anna və Elzanın uşaqlarla görüşə gəlməsi ayrı sevincə səbəb oldu. Balacalar qəhrəmanlarla bolluca şəkillər çəkdirdilər. Məkanda uşaqlar üçün əsl bayram ab-havası hökm sürüb.
Cizgi filminin mövzusuna gəlincə isə iki şahzadə, maral və bir qar adamının sərgüzəştləri balacalara xoş anlar bəxş edir. Qəhramanlar Elsa və Annanı bir-birindən maraqlı macəralar gözləyir. Bu yolda onlarla bərabər Kristof, maral Sven və pozitivliyi ilə seçilən qar adamı Olaf yol alır.
Ekran işinin müəllifləri - Jennifer Li, Chris Buck, Marc Smith-dir. Onların ərsəyə gətirdiyi iş artıq 350 milyon dollardan çox gəlir gətirib. Animasiyası işi izləyənlər tərəfindən xüsusi rəğbət qazanıb.
“The Walt Disney Company” kinokompaniyasının “Soyuq ürək 2” (Frozen 2) animasiyası cizgi filmləri üçün dünya kassa yığımı üzrə dünya rekorduna imza atıb.
“Soyuq ürək 2” 2013-cü ildə ekranlara çıxan və kraliça Alisa ilə bacısı Annanın macəralarından bəhs edən eyniadlı animasiya filminin ikinci hissəsidir. Xərcləri 150 milyon dollar təşkil edən cizgi filminin prokatı demək olar ki, 1,3 milyard dollar gəlir gətirib. Ekran əsəri “Ən yaxşı animasiya filmi” və “Ən yaxşı mahnı” nominasiyalarında “Oskar” mükafatına layiq görülüb.
“Soyuq ürək” cizgi filminin motivləri əsasında 2018-ci ildə yazılan müzikl Nyu-Yorkun Brodvey teatrlarının birində səhnəyə qoyulub. “Disney World” əyləncə parkında isə bu cizgi filminə həsr olunmuş ayrıca bölmə fəaliyyət göstərir.
Nəzərinizə çatdıraq ki, cizgi filmi Park Cinema kinoteatrlar şəbəkəsində nümayişdədir.
