"Park Cinema" kinoteatrının "IMAX" filialında "Cumanci" filminin premyerası baş tutub.
LIVE.az-ın məlumatına görə, kinoteatrın gözləmə zalı filmin mövzusuna uyğun olaraq meşə kimi dekorasiya edilib, yırtıcı heyvanların maketləri qoyulub. Bu da təqdimata gələn şəxslərin ən çox diqqətini çəkən məqamlardan olub.
Furşetlə başlayan tədbirdə bloqerlər, əcnəbi qonaqlar və jurnalistlər iştirak ediblər. Premyera zamanı təsadüfi seçilən iki nəfərə hədiyyə verilib.
Park Cinema şəbəkəsinin piar-meneceri Rüstəm Fətəliyevin dəvətliləri qarşıdan gələn bayramlar münasibəti ilə təbrik edib, növbəti ildə fəaliyyətlərində uğurlar arzulayıb.
Kinodan əvvəl #biznağıldanışmırıq həştəqli illik yekun video təqdim olunub. Video 2019-cu il ərzində keçirilən qala gecələri və təqdimatlar zamanı baş verən maraqlı anların görüntülərindən ibarət olub.
"Jumanji" filmi 2019-cu ildə ABŞ-da çəkilib. Fantastik janrda lentə alınan filmdə komediya səhnələri də üstünlük təşkil edib. Rejissor Jake Kasdan-ın çəkdiyi film 2 saat 3 dəqiqə davam edir.
Qeyd edək ki, filmPark Cinema kinoteatrlarında nümayişə qoyulub.
