Bakıda qonşusunu qətlə yetirən rusa hökm oxundu

Bakı Ağır Cinayətlər Məhkəməsində xüsusi amansızlıqla qətl hadisəsi törətməkdə təqsirli bilinən Rusiya əsilli Sergey Apşevin cinayət işi üzrə məhkəmə başa çatıb.
Trend-in məlumatına görə, prosesdə təqsirləndirilən şəxsə hökm oxunub. Məhkəmənin hökmü ilə Sergey Apşev 10 il müddətinə azadlıqdan məhrum edilib.

Sergey Apşev Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib. İttihama görə, bu il aprelin 16-da Səbail rayonu, Bayıl qəsəbəsi, Əli Nəzmi küçəsi, 104 ünvanında 1962-ci il təvəllüdlü Sergey Apşev mübahisə zəminində qonşusu 1967-ci il təvəllüdlü Renat Xəlilovu bıçaqlayaraq qətlə yetirib.