Bank əmanətlərinin həcmində artım müşahidə olunur

2019-cu il noyabr ayının sonuna Azərbaycan əhalisinin bank əmanətlərinin ümumi həcmi 8.682 milyard manat təşkil edib ki, bu da keçən ilin eyni dövrü ilə müqayisədə 609 milyon manat və ya 7,01 faiz çoxdur.

LİVE.az-ın Azərbaycanın Mərkəzi Bankının statistik hesabatına istinadən verdiyi məlumata görə, cari ilin noyabr ayının sonunda bütün bank əmanətlərinin 9,6 faizi ölkənin bölgələrinin payına düşüb.

Hesabat dövrü ərzində ölkənin bölgələrindəki bütün əmanətlərin 81,2 faizi (702 milyon manat) milli valyutada qoyulub. Noyabrın sonuna olan məlumata görə, Bakıdakı əmanətlərin ümumi həcmi 7.847 milyard olub, onun 3.286 milyard manatı isə milli valyutada qoyulublub.

2019-cu ilin noyabr ayında ölkədə orta illik əmanət dərəcəsi 3,7 faiz, Bakıda isə 3,6 faiz təşkil edib.

Bank əmanətlərinin Azərbaycanın bölgələri üzrə bölgüsü (2019-cu ilin noyabr ayının sonuna):

İqtisadi rayonlar	Əmanətlərin həcmi (min manat)	Orta faiz göstəricisi (%)
Abşeron	254,831	5,6
Aran	153,026	4,0
Dağlıq Şirvan	19,784	4,4
Gəncə-Qazax	173,542	5,2
Quba-Xaçmaz	56,930	5,5
Lənkəran	69,451	5,4
Şəki-Zaqatala	53,594	3,7
Yuxarı Qarabağ	12,079	3,5
Kəlbəcər-Laçın	0,0	0,0
Naxçıvan	40,790	2,2