Nazirlik rəsmisi: “Badamdar sürüşmə ərazisində heç bir aktivlik müşahidə olunmur”

“Hazırda Badamdar, 20-ci sahə arasında olan magistral avtomobil yolunun sağ yamacındakı sürüşmə ərazisində heç bir aktivlik müşahidə olunmur”.

LİVE.az-ın məlumatına görə, bunu report-a açıqlamasında Ekologiya və Təbii Sərvətlər Nazirliyinin mütəxəssisi Sadiq Əmiraslanov deyib.

Onun sözlərinə görə, hazırda həmin ərazidə iş gedir.

Nazirlik rəsmisi həmçinin qeyd edib ki, ümumilikdə, ölkədə sürüşmə zonalarında rezonans doğuran aktivlik müşahidə olunmayıb.