Çində koronavirusa yoluxanların sayı 4515 nəfərə, ölənlərin sayı 106 nəfərə çatıb

08:38 28/01/20

Çində koronavirusa yoluxanların sayı 4515 nəfərə, ölənlərin sayı 106 nəfərə çatıb


Çində koronavirusa yoluxanların sayı artıb.

Bu barədə “Report” “Sinxua”ya istinadən xəbər verir.

Qeyd edilir ki, virusa yoluxanların sayı 4515 nəfərə çatıb.

Daha əvvəl “Vani” portalı Çin regionlarının məlumatına əsasən virusa yoluxanların sayının 4477 nəfərə çatdığını, 106 nəfərin öldüyünü xəbər verib.

“Agence France-Presse” isə bildirib ki, ötən gün Hubey əyalətində yeni pnevmaniyadan daha 24 nəfər həlak olub. Həmçinin virusa 1291 yeni yoluxma hadisəsi qeydə alınıb.

///

12:24 26/01/20

Çində koronavirusa yoluxanların sayı 2002-ə, ölənlərin sayı 56-ə çatıb

Çində koronavirusa yoluxanların sayı çoxalıb.

Bu barədə LİVE.az TASS-a istinadən xəbər verir.

Çin Xalq Respublikası Regionlarının Gigiyena və Səhiyyə Məsələləri üzrə Komitəsinin məlumatına görə, koronavirusa yoluxanların sayı 2002 nəfərə çatıb. Qeyd edilir ki, yeni xəstəlik həmçinin 56 nəfərin həyatına son qoyub.

Çin hakimiyyəti daha əvvəl 1975 nəfərin xəstəliyə yoluxması barədə xəbər yayıb.

///

Çində koronavirusa yoluxanların sayı artıb.

Bu barədə Çinin Səhiyyə üzrə Dövlət Komitəsi xəbər yayıb.

Məlumata görə, pnevmaniyanın yeni növünə yoluxanların sayı 1975 nəfərə çatıb. Qeyd edilir ki, koronavirusdan ölənlərin sayında da artım qeydə alınıb. Belə ki, artıq 56 nəfər yeni virusun qurbanı olub.

Komitənin məlumatına görə, xəstəliyə yoluxmuş 324 nəfərin vəziyyəti ağırdır.

Daha əvvəl koronavirusa yoluxanların sayının 1743 nəfərə çatdığı, 54 nəfərin öldüyü bildirilirdi.

Koronavirusa yoluxma həmçinin Avstraliyada, Vyetnamda, Malayziyada, Nepalda, Koreya Respublikasında, Sinqapurda, ABŞ-da, Tailandda, Fransada və Yaponiyada qeydə alınıb.


Report, TASS, RİA Novosti