Almaniyada ilk koronavirusa yoluxma hadisəsi qeydə alınıb

Almaniyada 2019-nCoV koronavirusuna ilk yoluxma hadisəsi qeydə alınıb.

“Report” TASS-a istinadən xəbər verir ki, bu barədə Bavariya Federal Torpağının Səhiyyə Nаzirliyi bildirib.

Nazirlik qeyd edib ki, koronavirus Ştarnberq rayonundan olan kişidə aşkarlanıb.

"O, həkim nəzarəti altındadır və təcrid edilib, - xəbərdə vurğulanır.

Xatırladaq ki, ilk dəfə Çində qeydə alınan bu virus sonralar daha bir neçə ölkədə də qeydə alınıb.