Koronavirusdan ölənlərin sayı artır

Koronavirusdan ölənlərin sayı artır


Çində 2019-nCoV virusuna yoluxmuş insanların sayı 24 300 nəfəri ötüb.

LİVE.az TASS-a istinadən xəbər verir ki, bu barədə Çin Xalq Respublikasının Səhiyyələri Məsələləri üzrə Dövlət Komitəsi bildirib.

Məlumata görə, ölənlərin sayı 490 nəfərə çatıb.

Mərkəzi hakimiyyətin məlumatlarına əsasən, ölkədə 185 500 nəfərdən çox insan həkim nəzarəti altındadır.

Daha əvvəl "Van” informasiya portalı regional hakimiyyətin məlumatlarına istinadən 23,6 min nəfərin virusa yoluxması, 491 nəfərin həlak olması barədə (Honkonqda bir nəfərin ölməsini nəzərə alaraq) məlumat verib.

Portalın məlumatına görə, 846 nəfər xəstəlikdən sağalıb.


///

04/02/2020

Çində koronavirusdan ölənlərin sayı 425 nəfərə çatıb

Çində koronavirusun indiyədək aşkar edilməmiş ştammına (2019-nCoV) yoluxanların sayı 19 700, bu virus səbəbindən ölənlərin sayı isə 425 nəfərə çatıb.

Live.az Report-a istinadla xəbər verir ki, bu barədə Çin Xalq Respublikasının Gigiyena və Səhiyyə üzrə Komitəsi məlumat yayıb.

Məlumata əsasən, virusa yoluxmaqda şübhəli bilinənlərin sayı 21,5 min nəfərdir.

İndiyədək 622 nəfər sağalaraq xəstəxananı tərk edib.