Bakıda kartla işləyən avtobusların siyahısı açıqlandı

Xeyli vaxtdır ki, Bakıda ictimai nəqliyyatda ödənişin kart sisteminə keçiriləcəyi barəsində danışılır.

Artıq bununla bağlı xeyli iş də görülüb. Publika.az-ın əldə etdiyi məlumata görə, ilkin mərhələdə kartla işləyən avtobuslar 20-yə yaxın xətt üzrə hərəkət edəcək.

Bakı Sərnişin Nəqliyyat MMC-dən bildirilib ki, indiyədək 1, 6, 13, 14, 24, 37, 46, 49, 65, 90, 95, 96 saylı avtobuslarda kart sisteminin tətbiq ediləcəyi dəqiqləşib. Yaxın günlərdə siyahı tam olaraq KİV-də yayımlanacaq.

Məlumatda bildirilir ki, ikinci mərhələdə nömrəsi 100-dək olan avtobuslarda kart sistemi tətbiq ediləcək. Növbəti mərhələdə isə şəhərətrafı xətlər üzrə bu praktikadan istifadə ediləcək.