Pakistanda 2 terror aktı baş verib: 40 nəfər ölüb, 100-dən artıq yaralı var

Pakistanın şimal-qərbində baş vermiş partlayış nəticəsində 40 nəfər ölüb, 100-dən artıq yaralı var.

Trend-in İnterfaks-a istinadən verdiyi məlumata görə, 2 bomba 4 dəqiqəlik intervalla Paraçinar bazarından 400 metr aralıda partlayıb.

Məlumatda deyilir ki, partlayış insanların bazara getdiyi zaman baş verib. Söylənilənlərə görə, bombalardan biri motosikletə bərkidilib, digəri isə terrorçu tərəfindən işə salınıb.

Partlayışla bağlı məsuliyyəti hələ heç bir qruplaşma üzərinə götürməyib.