Çində koronavirusa yoluxanların sayı 80 min nəfəri ötdü

Çində koronavirusa yoluxanların sayı 80 min nəfəri ötdü

Çində koronavirusdan ölənlərin və yoluxanların sayı artıb.

LİVE.az-ın məlumatına görə, bu barədə “Report” RİA “Novosti”yə istinadən xəbər verir ki, bu barədə Çin Xalq Respublikasının Gigiyena və Səhiyyə Məsələləri üzrə Dövlət Komitəsi məlumat yayıb.

Məlumata görə, virusdan ölənlərin sayı 2 943 nəfərə çatıb, 47 mindən çox xəstə sağalıb. Ölkədə virusa yoluxanların sayı 80 151 nəfərə qədər artıb.

Son məlumata görə, 31 əyalətdə virusa yoluxma qeydə alınıb. Virusa yoluxmuş 47 204 nəfər sağalaraq xəstəxanalardan evə buraxılıb.

Çində koronavirusa ilk yoluxma ötən ilin dekabrında qeydə alınıb.

///

Koronavirusun yayıldığı ölkələrin sayı artdı

Ümumdünya Səhiyyə Təşkilatının gündəlik hesabatına görə, Çindən kənarda yeni koronavirusa yoluxma halları 64 ölkədə qeydə alınıb.

LİVE.az-ın məlumatına görə, bu barədə “Report” RİA “Novosti”yə istinadən xəbər verir.

Təşkilatın məlumatında bildirilir ki, son gün ərzində Çindən kənarda virusa 1 598 yoluxma hadisəsi təsdiqlənib. Beləcə, koronavirusa yoluxanların sayı 8 774 nəfərə çatıb.

Ümumilikdə Çindən kənarda koronavirusa yoluxma halları 64 ölkədə qeydə alınıb. Ölənlərin ümumi sayı 128 nəfərdir. Məlumata görə, son gün ərzində COVID-19-dan 24 nəfər ölüb.