"Azəristiliktəchizat" istiliklə təchiz etdiyi binaların sayını xeyli artırıb

"Azəristiliktəchizat" ASC tərəfindən istiliklə təchiz edilmiş yaşayış binalarının sayı 2012-2013-cü illər istilik mövsümündə 2819 ədəd təşkil edib. 2011-2012-ci illər istilik mövsümündə isə bu rəqəm 2561 olub. Trend-in məlumatına görə, bu barədə ASC-nin saytında yerləşdirilən ümumi cədvəldə deyilir.

Xüsusilə, 2012-2013-cü illər mövsümündə istiliklə təchiz edilmiş binaların ümumi sayından 2579 bina Bakının, 240 bina isə regionların payına düşür.
Qeyd edilən dövrdə qazanxanaların ümumi sayı 425 ədəd təşkil edib. 2011-2012-ci illərdə isə bu göstərici 362 ədəd olub.