Prokurorluq stuardessanın üzünə kimyəvi məhlul tökən şəxslə bağlı açıqlama yaydı

Baş Prokurorluq stuardessanın üzünə üzünə "kislata" tökən şəxslə bağlı açıqlama yayıb. Prokurorluğun mətbuat xidmətindən ANS-ə verilən məlumata görə, iyulun 26-da saat 00:15 radələrində Bakı şəhər sakini 1963-cü il təvəllüdlü, əvvəllər məhkum olunmuş Fərhad Əddürəhmanov keçmiş arvadı 1972-ci il təvəllüdlü, hava limanında təyyarə bələbçisi işləyən Alfiyə Əddürəhmanovanın Binə qəsəbəsində yaşadığı evinə gələrək şəxsi münasibətlər zəminində sonuncunun sifətinə naməlum kimyəvi maye atıb ona ağır bədən xəsarətləri yetirib.

Fakta görə həmin tarixdə Xəzər Rayon Polis İdarəsinin İstintaq Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.

İş üzrə cinayəti törətməkdə şübhəli bilinən Fərhad Əddürəhmanov Cinayət Məcəlləsinin qeyd edilən maddəsi ilə təqsirləndirilən şəxs qismində cəlb olunmaqla barəsində Xəzər rayon məhkəməsinin qərarı ilə həbs qətimkan tədbiri seçilib.