Ramin Bayramlı: "Hazırda koronavirusa yoluxmanın ikinci dalğasını yaşamaqdayıq"

“Həftələrə diqqət yetirsək, 4-10 may həftəsində ən yüksək - 580 yoluxma olub. Bu həftə 480 yoluxma var, hətfənin sonuna kimi rəqəm artacaq”.

Bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB İdarə Heyətinin sədri Ramin Bayramlı bildirib.

R. Bayramlı deyib ki, bu, ikinci yoluxma dalğası təhlükəsini göstərir: “Hazırda ikinci dalğanı yaşamaqdayıq. Gələcək həftələrdə göstəricilərin azalacağı, yaxud artacağı bizim sosial məsuliyyətimizdən asılıdır”.