İspaniyanın La Liqası və Fransanın Liqa 1 çempionatları başlayacağı tarixlər açıqlandı

Fransa çempionatında yeni mövsümün başlayacağı tarix açıqlandı

Futbol üzrə Fransa çempionatında yeni mövsümün başlayacağı tarix bəlli olub.

RMC xəbər verir ki, Liqa 1-də 2020/2021 mövsümü avqustun 22-də başlayacaq.

Çempionatın yayımçıları olan "Mediapro", "Canal +" və "BeIN Sports" ilə məsləhətləşdikdən sonra tarix təyin edilib. Qərara əsasən əsas çempionatın avqustun 22-də, Liqa 2-nin isə avqustun 23-də startı planlaşdırılır.

UEFA İcraiyyə Komitəsinin iyunun 17-dəki iclasında avrokubokların bərpa tarixi açıqlanandan sonra təqvim dəqiqləşəcək.

Qeyd edək ki, aprelin 30-da Fransa çempionatı vaxtından əvvəl rəsmən yekunlaşıb və PSJ 2019/2020 mövsümünün qalibi olub.

Baş nazir La Liqanın başlayacağı tarixi açıqladı


İspaniyanın baş naziri Pedro Sançes La Liqanın başlayacağı tarixi açıqlayıb.  

 "Marca" nəşri  xəbər verir ki, o, çempionatın iyunun 8-də bərpa olunacağını bildirib.

Qeyd edək ki, La Liqada turnir cədvəlinə 58 xalla "Barselona" başçılıq edir, ikinci sıradakı "Real Madrid"in 56 xalı var. Çempionat martın 12-də koronavirus pandemiyasına görə dayandırılıb.




"Report"