Moskvada “Ostankino” telemərkəzində yanğın olub

Moskvada “Ostankino” telemərkəzində yanğın baş verib.

APA-nın “RİA Novosti”yə istinadən verdiyi xəbərə görə, dəqiqləşdirilmiş məlumata görə, yanğın sahəsi 25 kv.m. təşkil edib. Bundan əvvəl güclü tüstülənmə səbəbindən yanğın sahəsinin 150 kv.m. olduğu bildirilirdi. Rusiya FHN-nin mətbuat xidmətinin açıqlamasında bildirilir ki, yanğın binada olan sexin ərazisində baş verib. Nəticədə ərazidə olan dekorasiyalar yanıb.

Rusiya İctimai Televiziyasından bildiriblər ki, “Ostankino” telemərkəzindəki yanğın yayımda kəsilməyə səbəb olmayıb, qeyri-ştat vəziyyət yarandıqda dərhal ehtiyat efir rejimi işə salınıb.

Qeyd edək ki, hadisə yerinə 35 yanğınsöndürən heyət cəlb olunub.

Binadan 1000-dən çox insan təxliyə edilib, xəsarət alan yoxdur.