Abşeron sakini “KamAZ”ın qurbanı oldu

Abşeron rayonu ərazisində yol-nəqliyyat hadisəsi ölümlə nəticələnib.

Trend Daxili İşlər Nazirliyinin rəsmi saytına istinadən xəbər verir ki, iyulun 31-də saat 23.30 radələrində Abşeron rayonu ərazisində Zirə qəsəbə sakini Mehman Bədəlov idarə etdiyi KamAZ-5320" markalı avtomaşınla yolu keçən Rövşən Ələsgərovu vurub.

Nəticədə xəsarət almış piyada Ələsgərov hadisə yerində ölüb.

Faktla bağlı Baş Dövlət Yol Polisi İdarəsi (BDYPİ) tərəfindən araşdırma aparılır.