Fransada epidemioloji vəziyyətlə əlaqədar oktyabrın 23-dən komendant saatı tətbiq edilib

“Epidemiyanın sürətlə çoxalması bizi Fransanın 38 departamentində və digər ərazilərdə oktyabrın 23-dən etibarən komendant saatı tətbiq etməyə məcbur etdi”.

APA RİA Novosti-yə istinadən xəbər verir ki, bu barədə Fransanın Baş naziri Jan Kasteks mətbuat konfransında bildirib.

Baş nazir qeyd edib ki, komendant saatı qeyd edilən bölgələrdə axşam saat 21:00-dan səhər 6:00-a qədər qüvvədə olacaq.

O, əlavə edib ki, vəziyyətdən asılı olaraq komendant saatı ilin sonunadək davam edə bilər.