Ağdamın azadlığına qovuşması coşqu ilə qeyd olunur
Ağdam rayonunun işğaldan azad olunması gecə saatlarından başlayaraq sakinləri tərəfindən böyük çoşqu ilə qeyd olunur.
Hazırda da Ağdam sakinləri Türkiyə və Azərbaycan bayraqları ilə rayonun işğaldan azad olunan ərazilərin yaxınlığına toplaşıb, bu günü bayram edirlər.
Ağdam Cümə məscidində 27 ildən sonra ilk dəfə azan səsləndirilib
Ermənistanın işğalından azad edilən Ağdamda 27 ildən sonra ilk dəfə azan səsləndirilib.
Azərbaycanın bir qrup din xadimi noyabrın 20-də Ağdamın mərkəzində yerləşən Cümə məscidinə gediblər.
Dindarlar məsciddə azan verib, namaz qılıblar.
Qeyd edək ki, Azərbaycan Respublikasının Prezidenti, Ermənistan Respublikasının baş naziri və Rusiya Federasiyasının Prezidentinin imzaladığı 3 tərəfli Bəyanata əsasən Azərbaycan Ordusunun bölmələri noyabrın 20-də Ağdam rayonuna daxil olub.
Ağdam rayonunun təhsil statistikası
Təhsil Nazirliyi Ağdam rayonunun təhsil statistikasını açıqlayıb.
Nazirlikdən mediaya bildirilib ki, 1992-1993-cü tədris ilində Ağdam məktəblərinin sayı 99, müəllimlərinin sayı 2 966, şagirdlərinin sayı 29 478 olub.
2020-2021-ci illərdə Ağdam məktəblərinin sayı 135, müəllimlərinin sayı 2 997, şagirdlərinin sayı 24 608-dir.
