Çinin Mərkəzi Bankı yuanın dollara qarşı məzənnəsini möhkəmləndirib

Çin Xalq Bankı (Mərkəzi Bank) bazar ertəsi yuanın ABŞ dollarına qarşı məzənnəsini son 30 ayda maksimum səviyyəyə qədər möhkəmləndirib.

Bunu tənzimləyicinin məlumatları göstərir.

Belə ki, MB orta yuan-dollar məzənnəsini 6,5719 olaraq təyin edib.

Bu, 2018-ci il iyunun 26-dan bəri yuanın dollara qarşı ən yüksək nisbətidir. O zaman 1 ABŞ dolları 6,5782 yuana bərabər idi.

Daha əvvəl Çin Dövlət Şurasının Baş naziri Li Ketsyan yuanın sabit məzənnəsinin rasional səviyyədə saxlanacağını söyləmişdi.




Report