DİN Sumqayıtda baş vermiş silahlı insidentlə bağlı məlumat yayıb

Daxili İşlər Nazirliyi Sumqayıtda baş vermiş silahlı insidentlə bağlı məlumat yayıb.

APA-nın nazirliyin rəsmi saytına istinadən verdiyi məlumata görə, avqustun 1-də Sumqayıt şəhər sakini Cavid Muradov xuliqanlıq zəminində ov tüfəngindən atəş açaraq qohumu, şəhər sakini Amiq Fərzəliyevin evinin pəncərə şüşələrini sındırıb.

Sumqayıt Şəhər Polis İdarəsi 1-ci Polis Bölməsi əməkdaşlarının keçirdikləri əməliyyat tədbirləri nəticəsində C.Muradov saxlanılıb, ondan 1 ədəd “Vinçestr” markalı tüfəng götürülüb.