KİV: Messi "İnter"də oynamaq istəyir

İspaniyanın "Barselona" klubunun ulduz futbolçusu Lionel Messi mövsümün sonunda komandanı tərk edə bilər.

"Report" "El Chiringuito" nəşrinə istinadən xəbər verir ki, 33 yaşlı hücumçu ilə İngiltərənin "Mançester Siti", Fransanın PSJ və İtaliyanın "İnter" klubu maraqlanır.

Nəşr bildirir ki, "Mançester Siti" Messinin komandaya keçməsinə ciddi yanaşır. Klubun sahibi onun transferi üçün vəsait ayırmağa hazırdır. Lakin argentinalı oyunçu "İnter"də oynamaq istəyir.

Qeyd edək ki, Lionel Messi yayda "Barselona"nı tərk etmək istəsə də, klub rəhbərliyi onunla müqaviləni pozmaqdan imtina edib. Daha sonra Messi komandada ən azı bir mövsüm qalacağını açıqlayıb.