Qubada yük maşını ağaca çırpılıb, xəsarət alan var

Bu gün axşam saatlarında Bakı-Quba-Rusiya Federasiyası yolunun Quba rayonu ərazisindən keçən hissəsində yol nəqliyyat hadisəsi baş verib.


APA-nın verdiyi məlumata görə, magistralın 158-ci km-də “Şaqman” markalı yük maşını idarəetməni itirərək yoldan çıxaraq ağaca çırpılıb. Sürücü 1986-cı il təvəllüdlü Quba rayonu Vəlvələ kənd sakini Cəfərov Cəfər Nadir oğlu bir saata yaxın avtomaşında sıxılmış vəziyyətdə qalıb. Fövqəladə Hallar Nazirliyinin xilasedici qrupu sürücünü deformasiyaya uğramış maşından çıxarıb. O Quba Mərkəzi Rayon Xəstəxanasına yerləşdirilib, vəziyyətinin orta ağır olduğu bildirilir.


Faktla bağlı araşdırma aparılır.