"Neftçi"nin futbolçusu "Milan"a keçidindən danışdı

"Milan klubundan zəng gələndə bir saniyə belə çəkinmədim. Bir neçə il əvvəl "Latsio"ya keçməyə yaxın idim, lakin Rusiya MOİK-i bu təklifi rədd etdi".

Bu fikirləri "Neftçi"nin futbolçusu Keysuke Honda "La Gazzetta dello Sport"a müsahibəsində İtaliyanın "Milan" klubuna keçidi barədə danışarkan deyib.

35 yaşlı yarımmüdafiəçi xəyallarını gerçəkləşdirdiyi üçün sabiq vitse-prezident Adriano Qallianiyə təşəkkür edib.

2014 - 2017-ci illərdə Milan təmsilçisinin formasını geyinən yaponiyalı oyunçu həmin dönəmdə klubda problemlərin çox olduğunu diqqətə çatdırıb: "Milan"ın ən yaxşı futbolçuları almaq üçün pulu yox idi. "Normal" oyunçular bu klubun formasını geyinə bildi. Strategiya yox idi, çünki 3 aydan bir yeni baş məşqçi gəlirdi. Belə vəziyyətdə nəticələr qazanmaq mümkün deyil".

Honda Alessio Romanyoli və Mario Balotellinin həmin vaxt istənilən səviyyədə çıxış etmədiyini sözlərinə əlavə edib:

Qeyd edək ki, Keysuke Honda "Neftçi" ilə cari mövsümün sonunadək müqavilə imzalayıb.


Report