Azərbaycan xilasediciləri Gürcüstanda 22 gün əvvəl çayda batmış 4 nəfərin axtarışlarına cəlb olunub

Azərbaycan Fövqəladə Hallar Nazirliyinin (FHN) xilasedicilər qrupu Gürcüstanın Fövqəladə hallar departamentin əməkdaşları ilə Gürcüstanın Enquri çayında batmış 4 nəfərin axtarışlarına qoşulub.

APA-nın “Georgia Online” saytına istinadən verdiyi məlumata görə, hadisə iyulun 14-də Mestia rayonunun Xaişi kəndi ərazisində baş verib, lakin həmin şəxslərin meyitləri hələ də tapılmayıb. Batmış şəxslərin qohumları axtarışların davam etdirilməsini tələb ediblər.

Qeyd edək ki, batanların 3-ü Rusiya 1-i isə Gürcüstan vətəndaşlarıdır.