"Neftçi" "Dinamo"ya səfərdə qalib gəldi

"Neftçi" komandası Gürcüstanın paytaxtı Tbilisidə "Dinamo" ilə keçirdiyi UEFA Çempionlar Liqasının I təsnifat mərhələsinin ilk oyununda qalib gəlib.

Live.az-ın məlumatına görə, Boris Payçadze adına "Dinamo Arena"da təşkil olunmuş qarşılaşmada Azərbaycan klubu 2:1 hesablı qələbə qazanıb.

Görüşü stadionun ümumi tutumunun 40 faizi qədər, yəni 22 minədək tamaşaçının izləmək imkanı olsa da, görüşə maraq elə də yüksək səviyyədə olmayıb. Cəmi 5 000-dək azarkeş arasında azərbaycanlılar da yer alıb. Onların sayı 100-dək olub.

 Beləliklə, "Neftçi" səfər oyununda "Dinamo" üzərində qələbə qazanaraq, iyulun 14-də "Bakcell Arena"da keçirəcəyi cavab oyunu üçün böyük üstünlük əldə edib. Həmin qarşılaşma saat 21:00-da start götürəcək.