Birjadan 15 dəqiqəyə 1,1 milyard dollarlıq bitkoin çıxarılıb

Ticarət həcminə görə dünyanın ən iri kriptovalyuta birjası “Binance”dan 15 dəqiqə ərzində 29,7 min “Bitkoin” (1,1 milyard ABŞ dolları dəyərində) çıxarılıb.

LIVE.az-ın məlumatına görə, bunu report xarici mətbuata istinadən xəbər verir ki, kriptovalyuta 3 bərabər hissə ilə çıxarılıb.

Məlumatın yayılma anında birinci kriptovalyutanın qiyməti 40 min dolları keçirdi. Son yarım ayda cüzdanında 100-dən 10 minə kimi “Bitkoin”i olan iri oyunçular bu altkoindən 170 min ədəd, o cümlədən son on gündə 40 min ədəd alıblar.


Bitkoinin qiyməti 40 min dolları keçib

Dünyanın aparıcı kriptovalyutası - bitkoinin qiyməti 40 min ABŞ dollarını keçib.

Kriptovalyuta son 24 saat ərzində 7,2%, son 7 gün ərzində isə 27,3 bahalaşıb. Nəticədə onun kapitallaşması 748,3 milyard dollara çatıb.

Kapitallaşmaya görə 2-ci pillədə qərarlaşan “Ethereum”un qiyməti isə son bir sutkada 3,4% artaraq 2 307 dollar olub. İlk onluqda qərarlaşan altkoinlərdən ən böyük artım isə “XRP”də olub.

Kriptovalyuta bazarının toplam dəyəri isə 1,557 trilyon dollara çatıb.

"СoinМarketСap"in Bakı vaxtı ilə saat 14:16-ya olan məlumatları aşağıdakı kimidir.