Baş prokuror: “Deputat bu hərəkəti ilə dövlətin nüfuzuna zərbə vurub”

“Deputatların səlahiyyətləri var. Deputat məlum hadisədə səlahiyyətlərini aşıb. Ona görə də ona vəzifə səlahiyyətlərini aşma maddəsi ilə cinayət işi açılıb”.

Bunu Baş prokuror Kamran Əliyev deyib.

O bildirib ki, deputatın bu hərəkəti ilə polisin timsalında dövlətin nüfuzuna zərbə vurulub: “Eldəniz Səlimova qarşı Cinayət Məcəlləsinin 309.2-ci maddəsi ilə cinayət işi açılması hüquqa çərçivəsindədir. Hakimiyyət nümayəndələri həmişə vəzifəli şəxs sayılır. Milli Məclisin deputatları da klassik olaraq vəzifəli şəxslərdir. Cinayət Məcəlləsinin 315-ci maddəsi isə hakimiyyət nümayəndəsinə zor tətbit etməklə bağlıdır. Lakin burada xidməti vəzifə anlayışı var, yəni 315-ci maddə xidməti vəzifəsini yerinə yetirərkən hakimiyyət nümayəndəsinə zor tətbiq etmək halı ilə bağlıdır".



Report