"Taliban" yeni hökumətlə bağlı yayılan xəbərləri şayiə adlandırıb

 

Əfqanıstanda hakimiyyəti ələ keçirmiş "Taliban" qruplaşması ölkənin yeni hökuməti barədə yayılan məlumatları təkzib edib.

Live.az Report-a istinadla xəbər verir ki, bu barədə "RİA Novosti"yə "Taliban"ın nümayəndəsi bildirib.

"Yeni hökumətlə bağlı "Taliban"ın adından yayılan məlumatlar həqiqəti əks etdirmir. Yayılan xəbərlər şayiədir", - məlumatda qeyd edilib.

Qeyd edək ki, TASS agentliyi xəbər verirdi ki, “Yeni hökumətə Molla Bəradər başçılıq edəcək”, - "Taliban"dan bildirilib.

Bildirilib ki, Molla Abdul Qani Bəradərlə yanaşı, yeni administrasiyada Molla Yaqub və Məhəmməd Abbas Stanekzay da təmsil olunacaqlar.