Azərbaycandan Gürcüstana aparılan ceyranların populyasiyası 200-ü ötüb

Gürcüstanda Ümumdünya Təbiəti Mühafizə Fondu (WWF) və Azərbaycan hökumətinin fəal dəstəyi ilə həyata keçirilən ceyranların populyasiyasının bərpası üzrə birgə layihə uğurla davam etdirilir.

LIVE.az Report-a istinadla xəbər verir ki, bu barədə ölkənin Ətraf Mühitin Mühafizəsi və Kənd Təsərrüfatı Nazirliyindən bildirilib.

Məlumata əsasən, Samux vadisində ceyranların artıq yeddinci nəsli dünyaya gəlib və onların ümumi sayı 200-ü ötüb.

Qeyd olunub ki, ceyranların populyasiyasının bərpası üzrə layihəyə 2013-cü ildə başlanılıb. Azərbaycanın Şirvan Milli Parkından 10 ceyran Gürcüstana gətirilib və onilliklər ərzində ilk dəfə tarixi mühitə - Samux vadisinə buraxılıb.

Ceyranların populyasiyasının bərpası gürcü ekoloqların əsas prioritetlərindən biridir.