Müğənni Aysel Məmmədova (AİSEL) yeni "O mənə söz verib" adlı mahnısını və ona çəkilən klipi təqdim edib.
LIVE.az life.az-a istinadla xəbər verir ki, mahnının musiqisi və sözləri özünə məxsusdur. Sənətçi sözügedən iş barəsində bu sözləri deyib:
““O mənə söz verib” mahnısının fraqmenti yanvar ayında instaqram səhifəmizə yüklənmişdi. Sadəcə 30 saniyə davam etməsinə baxmayaraq, insanlar onu çox bəyənmişdilər. Hətta bu il ərzində mahnının nə vaxt çıxacağı ilə bağlı mesajlar alırdıq. Klip ideyasını çoxdan planlaşdırmışdıq. Ona görə məhz bu mahnını seçdik. Mahnının aranjımanı Emin Kərimə (STKHA) məxsusdur.
Videonun xaricdə çəkilməsinə baxmayaraq, stilist olaraq yenidən bir sıra uğurlu lahiyələr keçirdiyimiz Murad Vəliyevə müraciət etdik.
Video bir neçə ildir əməkdaşlıq etdiyimiz "Rosslane" film qrupu tərəfindən Kiyevdə lentə alınıb.
Çəkiliş prosesi 3 gün davam etdi, komandamız həm bu layihənin hazırlanmasında, həm də həyata keçirilməsində böyük iş gördü. Hətta çəkilişin bir neçə hissəsində aparıldığı bir yarış yolu icarəyə götürüldü və peşəkar yarışçılar iştirak etdilər. Süjet, sevgi hekayələrində tez-tez rastlaşdığımız anlaşmazlıq və eqo ilə sevgi arasında çətin bir seçim etmək məcburiyyətində qalan cütlüyün hekayəsindən bəhs edir".
