Ələt-Astara magistralında iki avtomobil toqquşub, ölən və xəsarət alanlar var

Lənkəran rayonunun Liman şəhərində, Ələt-Astara magistralının 191-ci kilometrliyində dəhşətli yol qəzası baş verib.


APA-nın xəbərinə görə, hadisə bu gün saat 19.00 radələrində qeydə alınıb. 10 BP 561 dövlət nömrə nişanlı, “VAZ 2106” markalı avtomobillə 90 VO 748 dövlət nömrə nişanlı “Mercedes CL” markalı avtomobil toqquşub.


Güclü zərbənin təsirindən “VAZ 2106” iki hissəyə bölünüb. “Mercedes CL” isə yoldan çıxaraq kənarda olan çinar ağacına çırpılıb. Qəza nəticəsində 1 nəfərin öldüyü, 5 nəfərin isə xəsarət aldığı bildirilir. Yolda nəqliyyatın hərəkətində məhdudiyyət yaranıb.