Baş katib: "Azərbaycan NATO-nun Əfqanıstandakı missiyasına mühüm töhfə verib"

"NATO ilə Azərbaycan arasında güclü əməkdaşlıq qurulub".

Bunu NATO-nun Baş katibi Yens Stoltenberq Brüsseldə Azərbaycan Prezidenti İlham Əliyevlə görüşündən sonra keçirilən mətbuat konfransında deyib.

"Azərbaycan Əfqanıstandakı missiyamıza, xüsusilə, Kabil hava limanının təhlükəsizliyinin təmin edilməsi məsələsinə mühüm töhfə verib", - Stoltenberq bildirib.

Alyans rəsmisi vurğulayıb ki, Cənubi Qafqazda təhlükəsizlik və sabitlik hamı üçün vacibdir.