Rusiya İqtisadiyyat Nazirliyi: Rusiya Azərbaycanda qaz mühərrik yanacağı bazarının inkişafında maraqlıdır

Rusiya Azərbaycanda qaz mühərrik yanacağı bazarının inkişafında maraqlıdır.

APA-nın “İTAR-TASS”a istinadən verdiyi xəbərə görə, bu barədə Rusiya İqtisadiyyat Nazirliyinin Rusiya və Azərbaycan dövlət başçılarının bu gün Bakıda keçirilən ikitərəfli görüşünün nəticələrinə dair açıqlamasında bildirilir. Görüşdə Rusiya iqtisadiyyat naziri Aleksandr Novak da iştirak edib.
 
Açıqlamada bildirilir ki, tərəflər respublika ərazisində birgə layihələrin həyata keçirilməsinin mümkünlüyünü müzakirə ediblər.  Görüşdə xüsusilə Azərbaycanda qaz mühərrik yanacağı bazarının inkişafı məsələsinə toxunulub.    
 
Səfərin nəticələrinə əsasən, neft-qaz və elektrik enerjisi sahələrində Rusiya və Azərbaycan enerji şirkətləri arasında bir neçə saziş imzalanıb.  
 
Qeyd edək ki, “Rosneft”  qaz mühərrik yanacağının istifadəsini genişləndirməkdə maraqlıdır. Bu sahə şirkətin qaz strategiyasının yeni və prioritet istiqamətlərindən biridir. Bir müddət əvvəl şirkət Rusiyanın bir sıra bölgələri ilə qaz mühərrik yanacağı sahəsində layihələrin inkişafına dair müqavilələr bağlayıb.