Rusiya və Azərbaycan prezidentləri çay süfrəsində söhbət ediblər

Rusiya prezidenti Vladimir Putin Bakıya işgüzar səfərini Azərbaycan prezidenti İlham Əliyevlə qeyri-formal şəraitdə söhbətlə yekunlaşdırıb.

APA-nın “RİA Novosti”yə istinadən verdiyi xəbərə görə, Vladimir Putinin şərəfinə Azərbaycan prezidenti adından verilmiş nahardan sonra Azərbaycan prezidenti İlham Əliyev Vladimir Putini evinə dəvət edib. Çay süfrəsində qeyri-formal şəraitdə baş tutmuş söhbət zamanı prezidentlər ikitərəfli münasibətlərin aktual məsələlərinin müzakirəsini davam ediblər.