Stoltenberq: “NATO Ukraynanın alyansa üzvlüklə bağlı istənilən qərarına hörmətlə yanaşır”

“NATO yeni üzvlərin qəbulu üçün açıq olaraq qalır və Ukraynanın alyansa daxil olub-olmaması ilə bağlı istənilən qərarına hörmətlə yanaşacaq”.

“Report” “RİA Novosti”yə istinadən xəbər verir ki, bunu NATO-nun Baş katibi Yens Stoltenberq Şimali Atlantika blokunun müdafiə nazirlərinin görüşündən sonra deyib.

“NATO Ukrayna rəhbərliyinin qəbul etdiyi qərarlara hörmətlə yanaşır. Alyansa qoşulmaq niyyətinin olub-olmaması öz ixtiyarlarındadır. Həmçinin NATO-nun 30 üzvü bu məsələ ilə bağlı qərar verəcək”, - Stoltenberq jurnalistlərin məsələ ilə bağlı sualını cavablandırarkən bildirib.