Səfir: “ABŞ regionda sülhün əldə olunmasına kömək etməyə hazırdır”

“Azərbaycanın dostu kimi Birləşmiş Ştatlar bütünlükdə regionun çiçəklənməsi üçün sülhün əldə olunmasına, iqtisadi, nəqliyyat və şəxslərarası əlaqələrin qurulmasına kömək etməyə hazırdır”.

Bunu ABŞ-ın Azərbaycandakı səfiri Örl Litzenberger səfirlikdə keçirilən “Açıq qapı” günündə deyib.

“ABŞ regionda sülhün əldə olunmasına kömək etməyə hazırdır”, - səfir vurğulayıb.

Onun sözlərinə görə, ABŞ 30 ildir Azərbaycanla qanunun aliliyi, insan haqları, iqtisadiyyat, energetika və təhlükəsizliklə bağlı məsələlərdə əməkdaşlıq edir.



Report