Edis 2 gün Bakıda möhtəşəm konsert verib

Türkiyəli tanınmış müğənni Edis Görgülü Bakıda konsert verib.

Live.az xəbər verir ki, konsert 7- 8 may Bakı Konqres Mərkəzində baş tutub. Edislə birgə Bakıya Edisin 30 nəfərlik komandası, musiqiçiləri, rəqqasları və vokalçıları gəlib.

Edis Londonda doğulub, İzmirdə böyüyüb. Edisin ölkəmizlə bağlılığı var - anası azərbaycanlıdır.

Edis öncə aktyor kimi məşhurlaşsa da, sonradan oxumağa qərar verib. "Benim Ol" mahnısı ilə tanınan müğənni ilk albomunu 2018-ci ildə buraxıb.

90 dəqiqə səhnədə canlı 29 mahnı ifa edən sənətçi rəqsləri ilə diqqət çəkib.

Konsertdə Edisin “Martılar”, “Arıyorum”, “Çok çok”, " Yalan" və digər populyar mahnıları səsləndi.  Sənətçi öz sevilən xitlərini səsləndirməklə yanaşı Azərbaycan mahnısı da oxuyub. Belə ki, o səhnəsi zamanı məşhur "Ayrılıq" mahnısını ifa edib.

Fanatları Edisi izdihamla qarşılayıb.  Konsert anşlaqla keçib və hamının zövgünə oxşayıb.

Azərbaycan tarixində ən tez satılan konsert mükafatına layiq görülən Edisi 2 gün 7 minə yaxın insan izləyib.