İlyas Yalçıntaş Bakıda konsert verib

Türkiyənin məşhur estrada müğənnisi İlyas Yalçıntaş Bakıda konsert verib.Türk estradasının ulduzu və qəlbləri fəth edən İlyas Yalçıntaş möhtəşəm səsi və musiqiləri ilə iyunun 11-i "Elektra"da pərəstişkarlarına musiqi dolu saatlar yaşadib.

Qeyd edək ki, Türkiyənin reytinqli layihələrindən olan "X- Factor" yarışmasındakı "İncir" ifası ilə tanınan İlyas "Gel be gökyüzüm", "İçimdeki duman" mahnıları ilə məşhurlaşıb.

İlyas Yalçıntaş Bakıda konsertində ilk olaraq “İçimdeki duman” mahnısını səsləndirib.

O, gecəboyu pərəstişkarları qarşısında bir-birindən hit və sevilən mahnılarını səsləndirdi.

Həmçinin, yerli ifaçılardan Ayaz Babayev, Noton və Mehdi Sadiq də gecəyə xüsusi rəng qatıb. Konsert proqramı izləyicilər tərəfindən yüksək qiymətləndirilib.