"Neftçi" UEFA Konfrans Liqası ilə vidalaşıb

"Neftçi" UEFA Konfrans Liqasının III təsnifat mərhələsində cavab oyununa çıxıb.

Live.az  xəbər verir ki, "ağ-qaralar" Avstriyada "Rapid" klubunun qonağı olub.

İlk hissə qolsuz bərabərliklə başa çatıb.

Əvəzində 66-cı dəqiqədə "Rapid"in oyunçusu Marko Qrüll hesabı açıb.

Qarşılaşmanın əsas vaxtı rəqibin 1:0 hesablı qələbəsi ilə bitib.

 Bakıdakı ilk görüşdə Azərbaycan təmsilçisi 2:1 hesablı qələbə qazandığı üçün əlavə vaxta ehtiyac duyulub.

"Rapid" 112-ci dəqiqədə Ferdi Druifun qolu sayəsində fərqi artırıb.

Beləliklə, rəqibinə 0:2 hesabı ilə uduzan "Neftçi" Konfrans Liqası ilə vidalaşıb.