KİV: Türkiyə Nazirlər Kabineti Yunanıstana qarşı tədbirləri nəzərdən keçirəcək

Türkiyə hökuməti prezident Rəcəb Tayyib Ərdoğanın sədrliyi ilə bazar ertəsi, sentyabrın 5-də keçiriləcək iclasda son günlər iki ölkə arasında gərginliyin artması ilə əlaqədar Yunanıstana qarşı mümkün tədbirləri nəzərdən keçirəcək.

Bu barədə “TRT” kanalı məlumat yayıb.

Kanal hərbi mənbələrə istinadən xəbər verir ki, ilin əvvəlindən Yunanıstan Hərbi Hava Qüvvələri tərəfindən Türkiyə hərbi təyyarələrini ələ keçirmək cəhdi və 1123 təqib faktı qeydə alınıb.

Qeyd olunub ki, 14 halda türk qırıcıları Ankarada düşmən hərəkətləri kimi qəbul edilən hava hücumundan müdafiə sistemləri tərəfindən radarlara düşüb.

Xatırladaq ki, Türkiyə Prezidenti Yunanıstanı Ankaraya qarşı gərginlik siyasətindən əl çəkməyə çağırıb, qonşu ölkəyə bunun üçün mümkün mənfi nəticələr barədə xəbərdarlıq edib.