Hindistanda körpünün uçması nəticəsində ölənlərin sayı 91-ə çatıb

Hindistanın Qucarat ştatında kanatlı körpünün uçması nəticəsində ölənlərin sayı 90-ı ötüb.

Bu barədə yerli NDTV telekanalı məlumat yayıb.

Bildirilib ki, 91 nəfər faciənin qurbanı olub. 70 nəfər yaralanıb və xəstəxanalara aparılıb.

Körpü üzərində 500-ə yaxın insan olan zaman dağılıb. 100-dən çox insan su altında qalıb.

Faciə yerində olan mənzil tikintisi və kənd rayonlarının inkişafı naziri Briceş Merca bildirib ki, ölənlərin əksəriyyəti qadınlar və uşaqlar, eləcə də qocalardır.