"Qarabağ"ın Almaniyada "Ayntraxt"la keçiriləcəyi oyuna pulsuz bilet paylanılır

UEFA Avropa Liqasının qrup oyunlarında iştirak etmək üçün pley-off mərhələsinin cavab oyununda Ağdamın "Qarabağ" futbol komandasının Almaniyanın Frankfurt şəhərində "Ayntraxt" futbol komandası ilə qarşılaşacağı oyuna Azərbaycanlılara pulsuz bilet paylanılır.

Trend-in məlumatına görə, bu barədə Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumundan (ASAIF) bazar ertəsi bildirib.

Bu matçı izləmək istəyənlər 08.25.2013-ci il tarixinə qədər ASAIF - ə müraciət edərək biletləri pulsuz əldə edə bilərlər. Bunun üçün asaifkarabakh@asaif.org elektron ünvanına müraciət olunmalıdır.
Oyun avqust ayının 29-u baş tutacaq.