İmişlidə ağır yol qəzası: bir ölü, iki yaralı

İmişli rayonunda ölümlə nəticələnən yol qəzası baş verib.

Trend Cənub TV-yə istinadən xəbər verir ki, hadisə avqustun 20-si günorta saatlarında Ağsu-Kürdəmir-Bəhrəmtəpə avtomobil yolunun İmişli rayon Qaralar kəndi ərazisindən keçən hissəsində qeydə alınıb.

Belə ki, 67 yaşlı Zabil Qarayev idarə etdiyi "VAZ-2107" markalı minik avtomobili ilə İmişli istiqamətində hərəkətdə olarkən qəfildən idarəetməni itirib və avtomobil aşıb. Qəza zamanı sürücü Zabil Qarayev və onun həyat yoldaşı Xavər Qarayeva müxtəlif dərəcəli bədən xəsarətləri alıblar. Avtomobildə olan digər sərnişin - sürücünün qızı, 32 yaşlı Lütfiyyə Qarayeva isə dünyasını dəyişib.

Faktla bağlı cinayət işi açılıb, araşdırma aparılır.