FHN-in xilasediciləri Türkiyədə 51 nəfəri dağıntılar altından sağ çıxarıb

Azərbaycanın Fövqəladə Hallar Nazirliyinin (FHN) xilasediciləri Türkiyədə zəlzələdən ciddi zərər görmüş Kahramanmaraş şəhəri ərazisində həyata keçirdikləri axtarış-xilasetmə əməliyyatları nəticəsində dağıntılar altından 51 nəfəri sağ, 518 nəfərin isə meyitini çıxararaq aidiyyəti üzrə təhvil veriblər.

Bu barədə mediaya FHN-dən bildirilib.

Qeyd edilir ki, Azərbaycan Respublikasının Prezidenti İlham Əliyevin tapşırığına əsasən Türkiyədə olan Fövqəladə Hallar Nazirliyinin çevik xilasetmə qüvvələri qardaş ölkədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını fasiləsiz davam etdirirlər.

Əməliyyatların gedişi barədə əlavə məlumat veriləcək.