Bakıda avtomobildə qanunsuz silah aşkar olunub

Bakıda avtomobildə qanunsuz silah aşkar olunub.

Trend Daxili İşlər Nazirliyinin rəsmi saytına istinadən xəbər verir ki, Bakı şəhər sakini Məmmədbağır Əmirovun idarə etdiyi "VAZ-2106" markalı avtomaşın BDYP-nin Binəqədi rayonu ərazisindəki stasionar postunda nəzarət qaydasında saxlanılıb.

Avtomaşına baxış zamanı 2 ədəd ov tüfəngi, 1 ədəd pnevmatik tüfəng və 7 ədəd patron aşkar edilib və araşdırma aparılması üçün Binəqədi RPİ 40-cı PB-yə təhvil verilib.

Araşdırma zamanı bir ov tüfənginin və pnevmatik tüfəngin müvafiq sənədləri olduğundan sahibinə qaytarılmış, digər ov tüfəngi isə müvafiq sənədləri olmadığından götürülüb.