Hindistanda ölənlərin sayı 288 nəfərə çatıb, ştatda bir günlük matəm elan edilib

Hindistanda qatarların toqquşması nəticəsində ölənlərin sayı 288 nəfərə çatıb.

Bu barədə “Reuters” məlumat yayıb.

Qeyd olunub ki, yaralananların sayı təxminən 900 nəfərə yaxındır.

Hindistanın Odişa ştatının hakimiyyət orqanları Balasore şəhəri yaxınlığındakı Bahanaq dəmir yolu stansiyası ərazisində qatarların toqquşması nəticəsində çoxsaylı insan ölümü ilə əlaqədar bir günlük matəm elan edib. Şənbə günü ştatda bütün şənlik və əyləncə tədbirlərinin keçirilməsi qadağandır.

Dəmir Yolları Nazirliyi qəzada ölənlərin yaxın qohumlarına 1 milyon rupi (12 min ABŞ dolları), ağır yaralananlara 200 min rupi (2400 ABŞ dolları), yüngül xəsarət alanlara isə 50 min rupi (604 ABŞ dolları) təzminat ödəyəcəyini açıqlayıb.

Qəza yerində xilasetmə işləri davam edir. Onlara 500-dən çox insan cəlb olunub.


///


Hindistanda sərnişin qatarı yük qatarı ilə toqquşub.

LIVE.az TASS-a istinadən xəbər verir ki, bu barədə “Hindustan Times” qəzeti məlumat yayıb.

Sərnişin qatarının 8 vaqonunun relsdən çıxdığı toqquşma nəticəsində bir neçə nəfərin öldüyü deyilir.

Qəzetin məlumatına görə, hazırda hadisə yerində axtarış-xilasetmə işləri aparılır.