Bakıda 17 mərtəbəli binada yanğın olub

Bu gün Bakının Nəsimi rayonunda, Bülbül və Füzuli küçələrinin kəsişməsindəki hündürmərtəbəli binada yanğın olub. APA-nın verdiyi xəbərə görə, binanın yuxarı mərtəbələrində başlayan yanğın genişlənib.

Əraziyə dərhal Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğınsöndürmə briqadaları gəlib.

FHN-nin yaydığı rəsmi xəbərə görə, Bakının Nəsimi rayonunda hündürmərtəbəli yaşayış binasının birnci mərtəbəsindən 17-ci mərtəbəsinə qədər şaxtadan keçən elektrik kabelləri və 34 ədəd elektrik sayğacı yanıb. Şaxtadan keçən digər kommunikasiya xətləri və mənzillər yanğından mühafizə olunub.

Yanğın söndürülüb.